بيان الثورة الصادر عن نجوم الليل

كان يجب ان يكون لهذا المنتدى مشاركة برأيه فيما يحدث من تطورات داخل مصر
أتاسف للجميع اني اتكلم بلسانهم ولكن اعتقد ان ليس هناك من يعارضني
وباب المناقشة مفتوح

البيان
سبب غليان الثورة الى هذا الحد
ان الشباب طول عمره مش واخد حقه فى التعبير عن رأيه بمعني اصح ان الشباب ظل 30 سنة مكتوم اخرس ... لايرى .... لا يسمع .... لا يتكلم وظل يحمل فوق اكتافه الكثير والكثير
بطالة وامراض متعدده ومتزايده .........الخ من كوارث هذا العهد
لذلك عندما خرج الشباب فلم يكن له مطلب واحدا ولم يكن يريد اصلاحا فى جانب معين او تحسين لبعض المجالات ولكن،،
خرج ليعبر عن ظلم كل تلك السنين خرج وصمم على عدم العوده حتى ينفذ له كله مطالبه جملة واحده وليس من حق احد ان يقف هؤلاء الشباب الواعى المتحضر
نقاط تحول!!!!!!
1- الشرطه:- لن اقول عنها سوي انها تتحمل 60 فى المئه مما حدث والكلام عنها يطول فيما بعد
2- الشباب:- كانوا فى البدايه فى اشد التحضر حتى اتى بهم المطاف الى الخراب والتدمير
3- تأخر الحوار مع الشباب :- كان يجب ان تظهر جهة قويه تابعه للحكومه تتحدث لهولاء الشباب وبأقصي سرعه
4_ تأخر خطابات الرئيس :- جعلت الشباب يصممون اكتر لاثبات انفسهم

بعد الخطاب الاول
غضب الشعب المصري كله وكان له الحق فى ذلك لان مطالب الشعب لم تكن تكليف حكومة جديده فقط بلا كانت الاصوات أعلى من ذلك بكثير فالشعب ملل من انتظار التغير وكان يريد تغير جذري وسريع وامام اعينهم

بعد الخطاب الثاني
واهم ما جاء فيه ان الرئيس لن يرشح نفسه لفتره رئاسيه سادسه
أنقسم الشعب المصري الى قسمين خطيرين
1_ مؤيد للرئيس:- وهما خرجوا لكي يثبتوا للفئه المعارضه انهم لا يمثلون الشعب المصري اجمع وان هناك من يريد استمرار حكم الرئيس ومن هو راضي عن الخطاب رضي تام
وقد اثارت بعد الشكوك حول خروج هذه الفئه وانها خرجت بمساعدة الشرطه وكان من بينهم عناصر من الشرطه ولكن مهما كان فهم فئه كبيره من المجتمع ويجب احترام رأيهم
> هذه الفئه كان شغلها الشاغل هو استقرار مصر فى الوقت الحالي والوصول الى حل مرضي <

2- معارض للرئيس :- هذه الفئه الجميع يتكلم عنها وكل منا يحكي فى اتجاه مخالف للأخر
البعض يقول انهم شباب غير واعي بمصلحة مصر والبعض يقول انهم محرضون من جهات خارجية والبعض يقول ان بينهم شباب غير مصري وهكذا تستمر الاقاويل بدون ان نعرف اين هى الحقيقه الواضحه ؟؟؟؟؟
لذلك اطرح اليوم حلا لتلك المشكله واريد من الجميع ان ينظر لحل هذه المشكله من ناحية استقرار مصر وامنها وليس من ناحية الحماس ممن يقولون نريد ان يرحل الرئيس غدا وليس من ناحية العواطف لمن يتعاطفون مع الرئيس
الحل هو ان يتم تقديم موعد الانتخابات الرئاسية وتكون فى شهر ابريل القادم شرطية ان يرجع جميع المتظاهرين المتواجدون فى ميدان التحرير
وانا اعتقد ان من يريد مصلحة الامه لن يتخاذل على اتخاذ هذا الاجراء على الفور

زائر

عندك حق يا كاشو بس لازم الناس دى ترجع بيوتها

ده ملخص للى حصل
واحلى ما فى الكلام ده الحل اللى فى الاخر
فعلا هو حل عادل لكل الاطراف

معاك حق يا كـــاشو بس بردة كفاية الللى حصل فينا الواحد ميضمنش على بابا بردة والاربعين حـــرامى

يا محمد الناس هترجع لبيوتها لو صدر بيان زي ده لانه حل وسط للمشكله
يا تيتو مفيش وقت نطلب فيه ضمانات ومفيش وقت لاى حيله ممكن يعملها
لان الشباب ممكن يخرج تانى وتالت
وشكرا يا كينج

ماشى انا معاك فى كلامك
بس حد يفهمني هو ايه اللى منعه ان يحل البرلمان ويلغي الطوارئ

زائر

اللى منعه ان يحل البرلمان سبب واحد ان البرلمان لو اتحل مش هيكون فيه تعديل للمادتين بتوع الدستور لان عشان تعدل الدستور او اى مادة فيه لازم يكون فيه برلمان
يارب تكون الصورة وضحت

يعنى هو انا بقول يحل البرلمان ونبقى من غير برلمان
اكيد يحل البرلمان ويكون فيه برلمان جديد

لا انا مش معاك يا كاشو و شوف موضوعي و انت تفهم انا مش معاك ان تتم دلوقتي انتخابات

فى حد قال دلوقتى يا جماعه
اعتقد ان انا قولت فى ابريل يعنى كمان شهرين

هى المشكله مفيش حد يصلح للرئاسه اساسا
ولا حسني ولا غيره

ازاي مافيش ياجماعه حد يصلح للرئاسه ازاي
انا رشحت اربعه
1-احمد زويل
2-عمرو موسي
3-البردعي
4-ايمن نور
وانا رشحت عمرو موسي

لا انسب واحد حاليا عمر سليمان

بس يا جماعه حاليا مينفعشى حسني يسيب الحكم
انا لسه عندى رأيى وخير الامور الوسط وهى ان احنا نقدم الانتخابات الرئاسيه

زائر

صح يا كاشو بس حسام رايه فعلا صح عمر سليمان انسب واحد بعد الانتخابات

ياجدعان انتو متعرفوش
ان عمر سليمان عميل لااسرائيل وامريكا ولا ايه
يعني احنا بنشيل واحد عميل وكمان الناس تختارواحد عميل
يبقا كده احنا عملنا ايه
احنا كده غيرنااشخاص بس
ومش غيرنا السياسه الخارجيه
وكمان متنسوش ان عمر سليمان كان ماسك الملف الفلسطيني والاسرائيلي
احنا عيزين واحد مش عميل لااي حد من الدول الغربيه
وعيزين واحد يوحد الدول العربيه كلها اوبعض منها
وانا برده ارشح (عمرو موسي) وهو الانسب لده
هو عنده افكار كتير لده وهو عارف كل الرئاساء الدول العربيه كلها وكمان ليه علقات معاهم كبيره وهو هيقدر يستغل ده لربط الدول العربيه كلها ببعضها
وتوحدهم كلهم

زائر

لا يا حبيبى عمر سليمان راجل محترم جدا

فعلا يا محمد عمر سليمان من اكتر الشخصيات احتراما فى مصر
وغلط كلامك عنه يا علي
انا شايفه احسن من عمرو موسي

طبعا مينفعش خااااالص يحصل انتخابات دلوقتى
بس انتوا شايفين دلوقتى اية الحل عشان الناس اللى فى التحرير دى تمشى
لانهم عاوزين مبارك يمشى خالص من بكرة
ووطبعا عمر دة ما هيحصل ايييييييية الحل

» رســــــــــاله لكل عضو في نجوم الليل
» تحدي القمة على نجوم الليل
» مراسيلين نجوم الليل فى مقر القوات المسلحه