مراسيلين نجوم الليل فى مقر القوات المسلحه

كما عودكم منتداكم على مشاركتكم فى كل مناسبه فاليوم هو متابع للاحداث لحظة بلحظه
بعد اعلان تنحى الرئيس محمد حسنى مبارك اصبحت الفرحه عارمه فى جميع انحاء مصر ولم نتوانى على ان ننزل الى الشارع المصري لنتابع فرحة المصريين ورد فعلهم على ما حدث من تطورات للأوضاع داخل مصر
وقد حاولنا ان نكون منفردين عن كل الوسائل الاعلامية التى لم تستطع على مر هذه الايام باجراء حوار مع احدا من القوات المسلحة
استطاع مراسلي نجوم الليل اجراء حوار مع احد قاده القوات المسلحة
لكنه رفض التصوير وبشده معللا بخطورة ذلك وانه يمنع لاى احد انى يجري اى لقاء لاى جهة مهما كانت
[ندعوك للتسجيل في المنتدى أو التعريف بنفسك لمعاينة هذا الرابط]

وقد جاء الحوار كالأتى

_ ما رأيك فى الاوضاع التى تعيشها مصر الان؟
فاجأنا بجواب غريب جدا
قال انا والله يا شباب لسه كنت بعيط من شويه على حال البلد
الناس دى كلها فرحانه وبتشتم فى حد خدمهم كتير مهما كان انه أذى البلد او كان فيه فساد حواليه فكل ده ما يبررشى انهم يعملوا كده

_ من هم سبب الفساد الحقيقين ان لم يكن حسنى يستحق ذلك ؟
حاشيته الناس اللى حواليه وبعدين الريس ما قالشى لوزير التعليم ما تعلمشى الناس كويس ولا قال لحبيب العادلى سيب البلطجيه
الرئيس اتخان

_ هل تعتقد انه سيتم وقف المعوانات الخارجية عن مصر ؟
رد بعنف احنا مش واقفين على المعوانات لانك لو فكرت هتلاقى كل حد هيديك معونه بيفرض عليك شروطه واحنا مش هنخضع لشروط حد مصر لها شروطها وقوانينها من يقبل يقبل ومن لايقبل
يخليه فى حاله

هل تعتقد ان مصر الان نالت الحريه بعد رحيل الرئيس؟
لسه بدرى على طريق الحريه وخصوصا الفتره اللى تعيشها مصر الان فهى فتره انتقالية صعبة جدا ستتحكم فيها القوانين العسكريه والاحكام العرفيه وانتم عارفين يعنى ايه محاكمه عسكريه !!!!
انا شايف بالعكس هيكون فيه قيود اكتر على الشعب المصرى الفتره الحاليه

هل سمعت عن تحركات لمدمرات امريكيه فى البحر الاحمر ؟
اكيد طبعا وده اللى انا بتكلم عنه ودى النتيجة السلبيه للثورة الشعبية
وهناك تحركات بالفعل بالقرب من قناة السويس بأدعاء المحافظة على امن مصر قال ايه !!! امريكا جايه تحافظ علينا وبمدمرات

ما رأيك فى مستقبل مصر الفتره القادمه ؟
انا مش هقول غير كلمة واحده انا قلقان وقلقان جدا لاننا داخلين على مرحله صعبة وخطيره على عكس ما يتوقع الشعب المصري

فكرة وأعداد
كاشووو وايمن
تصوير
mtm

تسلمو يا شباب المحلة

فعلا يا كاشو كلام الراجل دة صح وعقلانى جدااااااااااااااااااااااا
وربنا يستر انا كمان قلقان اوى من الفترة الجاية دية ربنا يعديها على خير
وتسلموا على مجهودكوا يا رجالة

ربنا يعديها علي خير
تسلموا يا شباب

تسلموووووووو ياشباب المحلة على الحوار
وكمان كل الى قالة عن الريس مش بعيد انك تسمعة من اى حد فى الجيش
لان الجيش بيحبووووووووووووووه جدااااااا
وبالنسبة للكلام الاخر فعلا الايام الى جاية صعبة جدا
ربنا يستر على البلد

على فكره يا جماعه لو فكرتوا فى كل كلمه قالها
هتحسوا ان الموضوع خطيرا جدا
هو كان بيدمع وهو بيتكلم

عندك حق يا كاشو

انا ىشايف عكس الكلام ده الجيش هيحمينا ويحكم البلاد لمدة 6 شهور وبعدين هتتنقل السلطة ونبقى دولة مدنية ويبقى فيه حرية وعدل والذى منه

وبعدين لو الريس اللى حواليه خانوه من 2008 احداث المحلة وعمال الغزل مكانتش كافيه انه يفتح عينيه شوية

وجهة نظرك تحترم يا اسطورة
احنا مجرد ناقلين لرأى واحد من القوات المسلحه
وللجميع الحق فى الاختلاف او الموافقه على كلامه

حصري واصلى يا رجاله
شغل عالى اوووووووووووووووووى
تسلموااااااا

ربنا يستر الفتره اللى جايه

شكرا على اللقاء يا شباب

تسلموا لمروركوا
منورين التوبيك