ازاى ترخم على حبيبتك

النهارده هنتكلم عن [ندعوك للتسجيل في المنتدى أو التعريف بنفسك لمعاينة هذا الرابط] تخنق [ندعوك للتسجيل في المنتدى أو التعريف بنفسك لمعاينة هذا الرابط] شويه
(مانتو بتعملو فينا بلاوي)

كام شاب فينا متخنقش من كتر مواقف حبيبته ودماغه جابت انذار [ندعوك للتسجيل في المنتدى أو التعريف بنفسك لمعاينة هذه الصورة]

النهارده فرصتك عشان ترد الجميل

نبدا الدرس
ومش عايزين صوت

بص ياسيدي

1-
كل ماتتفقوا على ميعاد روحلها متأخر وسيبها تتلطع وتتذنب شوية
وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى
فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟
قولها بستعلم بس عن الرصيد أو أى حجة هبلة يعنى

2-
ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك
وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة
ويلففك المصلحة كلها حتة حتة يبقى تمام أوى رجلها على رجلك

3-
لما تقولك أنا جالى عريس قولها أيه ده بجد ؟؟؟؟؟
هتقولك أيوة مستغرب كده ليه ؟؟؟
قولها هو فى حد لاقى عرسان اليومين دول على العموم ألف مبروك ياحبيبتى
لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده
قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى
لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة
قولها أنا كمان رأيى من رأيهم , هتقولك رأيك إن أنت كمان موافق عليه ؟
قولها لأ إن أنتى عبيطة[ندعوك للتسجيل في المنتدى أو التعريف بنفسك لمعاينة هذه الصورة]

--
طبعا الغرض الأول من الحوارات دى إن هى تحرك حضرتك عشان تروح تتقدملها
أعمل عبيط بقى ورد على قد اللى بتسمعه وبس
--

4-
لو كنتوا فى نفس الجامعة بس كل واحد فى كلية وقاعدين سوا
كل ماتشوف واحدة معاك فى الكلية سيب حبيبتك وقوم أتكلم معاها بأى حجة
ولما ترجع قولها كنت بسألها على حاجة مهمة عندنا فى الكلية
ولما تشوف واحدة تانية قوم برضه أعمل نفس الحوار
ولما ترجع قولها أصل الأولى مكنتش عارفة فا سألت دى وهكذا

5-
لو هتدخلوا سينما هى طبعا عايزة تشوف فيلم رومانسى ولا حاجة
أنت بقى أمسك فى إنك تختار فيلم كوميدى أو رعب
لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك
اما لو دخلتوا رعب لو كنت بتحب أفلام الرعب ركز مع الفيلم ونفضلها برضه
أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت
فا الحل الوحيد تعمل إنك رايح عليك نومة بس لو معرفتش تنام من صوت الأكشن
فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر

6-
لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة
وروح وصيه أنت بقى يزود الشطة على قد مايقدر
ولما الأكل يجى قولها أنا كنت فاكرك بتقولى أى حاجة فيها شطة

7-
لو فى مناسبة زى عيد ميلادها أو الفلانتين أو أى حاجة
أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة
وفجأة قولها ثانية واحدة ياحبيبتى هكلمك تانى فى حاجة مهمة
ومتسألش فيها باقى اليوم وضيع عليها المناسبة
بعد كده لما تسألك السبب قولها أصل كان فى كليب أول مرة أشوفه
أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل
أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى
أى حجة رذلة تحرق الدم وخلاص

8-
لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان
قصدك يعنى إن الهدية قديمة ومش مالية عينك
ونفس الحوار فى مسجات الموبايل كل ماتبعتلك حاجة قولها اتبعتتلى قبل كده
لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه
المهم إن أنا قريتها قبل كده حتى لو كنت أول مرة تشوفها فى حياتك
مش بعيد هى بقى تألفلك مسج وتقولها شوفتها قبل كده وتبقى أتفقست يامعلم
عادى برضه شككها فى نفسها وسوق فى الإستهبال

بس انا مش مسئول عن الى هايحصلك

حرام عليك يا اسطوره
كل ده دى مش رخامه دى حرقة دم
لا يا جماعه محدش يسمع الكلام ولا يعمل كده
المفروض المعامله مش تبقى كده
طب ما بدل كل ده يضربها بالجزمه احسن اوفر فى الوقت يعنى
شكلك كده بتكره البنات
صح
ال ازاى ترخم على حبيبتك ال
مش فاضل غير كده
على راي سعاد حسنى البنات البنات ألطف الكائنات
يبقى ازاى ترخم عليهم بقا؟؟؟؟؟؟؟؟
هههههههههههههههههههههههه

هما فين الطف الكائنات دووووول دول عايزين الحرق
ايوه كده يا معلم سير على بركه الله

لا والله
احنا برضه اللى عاوزين الحرق
اظاهر انتوا مش بتيجوا غير بالضرب
الطيبه مش نافعه معاكوا
ازاى ترخم على حبيبتك 2787268113

بس هما فعلا يستحقوا ان نرخم بقدر الامكان

night angle كتب:: لا والله
احنا برضه اللى عاوزين الحرق
اظاهر انتوا مش بتيجوا غير بالضرب
الطيبه مش نافعه معاكوا

اهوه شوفت يا معلم مش لحقنا نقول حاجه وطلعو فينا واحنا لاحول ولا قوه
ربنا على المفترى

وكمان بتدعوا علينا
انتوا اللى بتخلونا نعمل كده
مش من غير سبب يعنى
وكمان تستاهلوا اكتر من كده

night angle كتب:: حرام عليك يا اسطوره
كل ده دى مش رخامه دى حرقة دم
لا يا جماعه محدش يسمع الكلام ولا يعمل كده
المفروض المعامله مش تبقى كده
طب ما بدل كل ده يضربها بالجزمه احسن اوفر فى الوقت يعنى
شكلك كده بتكره البنات
صح
ال ازاى ترخم على حبيبتك ال
مش فاضل غير كده
على راي سعاد حسنى البنات البنات ألطف الكائنات
يبقى ازاى ترخم عليهم بقا؟؟؟؟؟؟؟؟
هههههههههههههههههههههههه

طب سعاد حسنى غلطانه واحنا بنحاول نصلح الغلط بتاعها ارجوك يا نايت سيبينا نشوف شغلنا

loooda77 كتب:: هما فين الطف الكائنات دووووول دول عايزين الحرق
ايوه كده يا معلم سير على بركه الله

يعنى معايا انت يلا عاوزين نعمل شغل جامد معاك الطريقة نفذ بقى

night angle كتب:: لا والله
احنا برضه اللى عاوزين الحرق
اظاهر انتوا مش بتيجوا غير بالضرب
الطيبه مش نافعه معاكوا

شفتى بقى ان ده علاج لازم نعالج البنات كلهم

kashooo كتب:: بس هما فعلا يستحقوا ان نرخم بقدر الامكان

ياباشا احنا بنعمل اللى نقدر عليه

زائر

بس يا اسطوره
احنا نسيب نفسنا من سعاد حسنى ونايت كمان
وع فكرة فى مثل بيقول حب البت تسيبك سيب البت تحبك
زى طابع البوسطه
اللله يمسيكى بالخير يا بكبوظا
قصدى يا مها احمد
يعنى من الاخر علاجهم الرخامه
وع بركه الله بس كل واحد
يحذر برضه
دول ناقصات عقل ودين

محمد اشرف كتب:: بس يا اسطوره
احنا نسيب نفسنا من سعاد حسنى ونايت كمان
وع فكرة فى مثل بيقول حب البت تسيبك سيب البت تحبك
زى طابع البوسطه
اللله يمسيكى بالخير يا بكبوظا
قصدى يا مها احمد
يعنى من الاخر علاجهم الرخامه
وع بركه الله بس كل واحد
يحذر برضه
دول ناقصات عقل ودين

هو ده الكلام المظبوط يا معلم

» ازاى تعرف انك فى فرح مصري
» ازاى تحرق دم اى بــــــنت
» ازاى تعكنن على واحد نايم