ازاى تعكنن على واحد نايم

السلام عليكم ورحمة الله وبركاته

عايزين تعرفوا ازاى تغلسوا على حد نايم انزلوا اقروا و انتوا تعرفواااااااااا بس ما تنسوا الردود
عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النداله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه

وصدقني ممكن يقتلك فيها

أولا : اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا زفت انت ) .

طبعا إحنا اتفقنا إنك بارد عشان كدا

متديلوش أي إهتمام و تذكر القانون الثالث لنيوتن في التنفيض

" لكل فعل تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

ثانيا : اكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة

طبعا دا السرير إللي أخينا

نايم عليه ويمكنك ساعتها القيام بالكثير من التخبيط و الدقدقه وتحريك
السرير ولكن إنتبه ممكن يصحى من النوم فيجدك تحت السرير

او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح إنجليزي

.. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أجرى بأقصي سرعة
ومتنساش المثل اللى بيقول
الجرى نص المجدعة
دلوقتى بئا يا حبيبى هو المجدعة كلها

ثالثا : اذا كنت مقهــــــــور من واااحد ناايم العصر او الظهر أدخل الغرفه

وغطيه كويس و إقفل التكيف واطلع ومتنساش

تقفل البيبان والشبابيك كويس اوى.

واذا كانت في دفايه بالغرفه , ياعيني شغلها بقي علي أسخن حاجة وسيبه
واطلع بره كأنك لا تعرف عن الأمر شيء .

لسه ما قامش ؟؟

إوعي تيأس

رابعا :
لو كان لسه ماقامش !!!

ماتعملش حاجة من اللي سبق ذكره إنما بهدوء

حط ايدك على الراديو وشغل محطه خرباااانه

و يا سلام لو كانت بتاعت أغاني هابطة من نوعية

( حبيبي فوق حبيبي تحت حبيبي رايح حبيبي جاي )

وعلي الصوووت على الآخر و امشي إنت كمل فرجة على التليفزيون .

خامسا :
اذا كان لسه نايم وانت شبعااان نوووم بس عايز تتونس

جيب ماية ساقعة وقرب من النايم ونقط على وشه نقطة نقطة هايترعش
ويمسح وشه فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم
ما تمشيش برده
سادسا :
خذ منديل ولفه لحد ما يبقي على شكل عود كبريت كدا... الغرض ان يكون نهاية
طرفه حاد ..

وبس بقى .. أخينا رأسه أصبحت ملعب وأنت الهداف

ممكن تحطها في ودنه ( الحركة دي مستفزة جدا ومجربة ) .

ممكن تحطها في بؤه

ممكن تحطها في منخيره

ممكن تمشيها على وشه

انت و ضميرك بئا

لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم

واذا مانجحتش كل الطرق اللي فوق... تأكد انه مش آدمي . . خليه نايم

اوعوا تنسوا الردود يا ويلكم لو مالقيت رد هههههه
منقوووووووول

hhhhhhhhhhhhhhhhhhh gamda gdy

بجد دى خنقه اووووووووووووووووووى
موضوع رائع تسلمى

نورتوا التوبيك يا كماحة

نايس توبيك
تسلم ايديكى

نوت ياجميل

والله انا لو واحد عمل كدة معايا لاقوم ارمية من البلكونة

ههههههههههههههههههه
شكلك انت الى هتترمى من البلكونة

زائر

بصراحة انا مش هارمية من البلكونة لا دة انا اطلع عينة واموتة وفى الاخر ارمية بقى

هههههههههههههههههههههههه
نورتني يا محمد

انا مش هعمل معاه حاجه من دي خالص

انا هسيبه لغايه مينام هو اعمل كل حاجه واسخن من كده لغايه مهو يقوم من النوم ويرمي نفسه هو من البلكونه :>:d<:

هههههههههههههههه
يسلمو على المرور يا على

ههههههههههه
بجد توبيك تحفه بس نهاية اللى حيحصل
مؤلمه جدا جدا
ممكن بقلم على الوش او كسر مضاعف الخ الخ الخ
مش مهم المهم نوصل لغرض ان احنا نصحىه بغض النظر عن اى خسائر فى الارواح
تسلمى يا سوسو

ههههههههههههههه
والله عندك حق
يسلمولى ع احلى مرور

هههههههههههههههه
محدش يقدر يعمل معايه كده لانهم عارفين ان بحب النوم قد ايه

انا بس لو فكرت اجي جنب الاوضه واخويا نايم يبقي ليلتي حمرا وداخله علي السواد ههههههههه

ههههههههههه
يسلمولى ع احلى مرور

كان عندي سرير حديد فواحد صاحبي نام عليه أصحي في الواد يقولي هه سيبيني ياما شوية قلت له أمك والله لأعمل معاك الصح وهزيت السرير وأنا بصرخ وأقول زلزاااااال زلزاااااال إصحي ياسيد وطبعا إنتو متخيلين اللي حصل لأخينا سيد قطع الخلف طبعا

هههههههههههه يا نهار الوووااان
حرام عليك يا اسطوره والله
نورت يا جميل

دا أقل موقف يا سوسو دا احنا كنا بنعمل بلاوي
وأنا في أولي طب كان واد في أولي زراعة بيرخم علينا وقاعد عندنا طول النهار وبينام ع السرير كمان فاتفقنا عليه خليناه نام وقفلنا الأوضه وضلمناها خالص وحطينا تليفون بفلاشر في الجمجمه وشغلنا الهزاز وسيبناها علي الترابيزة وطبعا رنينا علي تليفون صاحبنا وفي نفس الوقت ع التليفون اللي في الجمجمة طبعا صاحبنا صحي لقي الجمجمة بتطلع نور ألوان وبتتحرك _ منه لله بوظ المرتبة بس معدش بييجي يخنقنا

ههههههههههههههه يالهوز
ايه دا دانتوا عاملين بيت رعب عندكوا

دى حاجات بسيطة جدا

دا احنا مرة شلنا ملة السرير وعلقنا المرتبة وهب صاحبنا بينام لقىى نفسه ع البلاط

ههههههههههه والله حرام عليكوا
كفايه تعذيب فى الناس باه

د كلها حاجات بسيطة

ربنا يقويك ع التقيل

hhhhhhhhhhhhhhhhhhhhhhhhhhhhhhhhhhhhhhhhhhhhhhhh

تسلمى ع المرور يا شوشو

ماهو يا سوسو بعد دا كله هانكون خلاص تعبنا وعايزين احنا ننام هههههههههههههههه
نايس يا قمر تسلمي وترجعيلنا بالسلامه

بصراحه مقالب جامده
بس لو عملتها فى اختى
يبقى هكون فى خبر كان
ان شاء الله وتسلمى ياقمر