الفرق بين مهند والشاب المصرى

احــــلى سلامـــــو عليكــــــــو

وندخـل فى الموضـوع عشان مطولــش عليكــوا

الفرق بين مهند والشاب المصري؟

في الحقيقه والواقع .. المقارنه اكيد تقيلة على قلب الشباب ..

لكن دة شئ ( لابد ) ان يكون ..

عشان شبابنا المحترمين .. دايما كانو يقارنون بنات مصر بـ هيفا ونانسي و رولا وغولا وغوريلا ..

لكن جه الوقت اللي لازم يشوفون الحقيقه بعنيهم الاربعةههههههههههه

مهند -

يرجع من شغلة في الشركة .. يروح لـ نور .. يبوس راسها .. وبحنان يحضنها .. الللله يا حلاوتهم عصافير الجنة .. يقولها :

( وحشتيني .. مش بـقدر اتحمل بُعدك عني ! مش كفايـة 8 ساعات فى الشركة مش بشوووفـك ..! )

-الشباب المصرى-

يرجع الشاب من الشغل . يروح لـ مراتة ..
وشة مكشر .. يدخل على مراتة لا سلام ولا كلام ..
يقلع هدومه ويحدفهم على السرير او على الشماعة ودى تكون معجزة لو عالشماعه..

ويزود برودة المكيف ويقول لمراتة:

( بسرعه حطي الغدا انا ميت من الجوووع .. المدير طالع عينى بالشغل ربنا ياخذه ! بسررررررررعه حطي الغدا انتى مش شايفانى تعبان عايز اكل وانـــــــــــــــــــام ؟؟ )

- مهند -

نور حامل .. يا سلام على الدلع ! خايف عليها من نسمة الهوا .. ويقولها :

( كلّي حبيبتي عشانك وعشان ابننا ! وخدى بالك من صحتك .. ومش تزعلي ابـــداً عشان البيبي مش يزعل )

- الشباب المصرى-

مرات الشاب من دول حامل ! ومسكينه متنسيه بـ تفاح اخضر .. رجع يقولها :

( اووووووووفففف !! شوفتى اتنيلت دورتلك وملقتش !! كلى تفاح احمر وانتي ساكته .. مش لازم اخضر ! اهو كله تفــــــاح .. مش تتفلسفى علية بقا )

- مهند -

مهند رايح مع نور السوق .. يشتروا لهم هدوم .. ودار الحوار التالي :

نور : حبيبي .. شــو رايك بالفستان الاحمر .. حلو موت؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مكسوفة ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !
طبعا باللغة بتاعتهم

-الشباب المصرى-

رايح مع مراتة السوق .. مش دار بينهم حوار .. لية ؟!
لان هو يمشي قدام .. وهي وراه ..

وكل اللي قاله ( بسرعه خلصي .. عايز الحق الماتش بسرعة .. انجزى ياله .. يخربيت البطء اوووف يارب...) !

- مهند -

قام من النوم نص الليل .. مش شاف نور نايمة جمبة .. اتجنن و خاف .. راح يدور عليها.. لقاها رايحه تشرب مية فى المطبخ .. قال لها

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )
بردة باللغة بتاعتهم

-الشباب المصرى -

قام من النوم نص الليل .. مش شاف زوجته نايمة .. .. قام يصارخ :

( .. انت فين؟؟!! خليتي باب الاوضة مفتوح نص سنتيمتر .. وهوا المكيف كله طلع برا وبقت الدنيا حرررر .. مش بتحسي .. دمك بارد .. الله ياخذ اليوم اللي فكرت اخذك من اهلك فيه )

- مهند -

قاعد يقرا كتاب .. وفجاه جيت نور .. لابسه فستان جديد .. ودار الحوار دة..

نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..

- الشباب المصرى-

قاعد بيتفرج على مباراه ريال مدريد وبرشلونه .. اصل شبابنا مش غاوى كتب وثقافه !
و مراتة مستانيه بالفستان الجديد .. عايزاة يشوفها .. مشيت قدامه عشان يشوفها .. ودار الحوار دة :

الشاب المصرى : قوووووووووووومي قامت ......؟ ! مش شايفاني بتفرج على المباراه ؟!
الزوجه : حبيبي مش شايف.. كنت عايزاك تشوف فستاني الجديد .. الاحنا شرينوا مع بعض؟!
الشاب المصرى : وعايزة تعطلينى علي المباراه .. مش شفتى حركة رونالدينهو !
الزوجه : عايزاك تشوف الفستان؟!
الشاب المصرى : اية الموضة المقرفة دى اللي طالعين فيها دى ؟! ده فستان بزمتك ؟! لو لابسه خيشة كانت هتبقا احلى .. البسى خيشة مش تفرق !!

هههههههههههههههههههههه

وهو برضه فيه نور مصرية

والله مواضيعك حلو كتير كتير وتسلم ايديك

ههههههه عشان تعرفوا بقي ليه البنات هتتجنن علي مهند ربنا يهدي

اه لو تعرفوا حقيقة واصل مهند ده
مش هتتفرجوا على اعلاناته والله
هههههههههه :bounce:

مهند مين ده

دا شوية شعر ومفيش تحته حاجة

احنا الاصل

وبعدين ده بتلاقيه بيتكلم كلام غير منطقى والكلام بيسبق شفته كمان

شكله عاوز عمرة بؤ

على رأيك يا اسطوره
احنا الاصل والباقى تقليد " صينى "

طبعا هما لو لوا الدنيا هيلاقوا زينا فين

الموضوع هايل بس ياريت دة يحصل فى مصر بجد لان انا شايفة الحب اختفى شوية

ابدا الحب عمره مابيختفى بس الواحد مش هيمشى يحب على نفسه فى الشارع

انا بكره المسلسل ده كله كدب فى كدب وعمره ما بيحصل فى الحقيقه

دا مجرد مسلسل وخيالات والحياة الواقعية شىء اخر تماما بها الرومانسية والنكد بها الحب والكره

لابد من التنوع بالبلدى لو واحد بياكل كل يوم لحمة هيزهق

والله انا اتفرجت علي حلقه واحدة بس منه لقيته اتفه مسلسل شوفته مش عارفا سببه ايه كل الحب الزايد لمهند دة عمري مشفت واحدة غير لما تعرفه بجد تافه جدا

هو تافه يا شيراز لانه مش واقعى ابدا ولا عمر الكلام دا بيحصل
وزى ما قال الاسطوره لابد من الفرح والحزن الدنيا مش كلها حب فى حب
انا نفسى اعرف مهند دا فى المسلسل كله شوفه انتم كام حلقه زعل فيها الست نور
هتلاقو نادر جداااااااااااااااا ويمكن ما حصلشى اصلا يبقى بالزمه دا واقع يعنى

ياعم وهما لو عاوززينا نبقى مهند

هما كمان لازم يكونوا نور

ولا ايه رايك يا لولو

و الله يا بية احنا بشتغل اكتر من 12 ساعة و ب صفصوا على 15
لكن البية 8 ساعات نايم في الشغل عايز منة اية لما يرجع
دة لو لقا مخدة هيبوس المخدة

وبعدين اصلا دى خيال المؤلف

ههههههههههههههههههههههههههههه
حسبي الله ونعم الوكيل مفيش ادني احساس عندهم

هههههههههههههههههههههه
عندك حق فى كل كلمة
مش لينا حق باة نحب مهند
تسلم كاشو على التوبيك الرائع

لا ياعم والله انا ماشى بطريقة مهند دى
انا عمرى ما اعمل زى اللى انت بتقولة ع شباب مصر دة

ههههههههه
جامد اوى الموضوع ده
احنا عاوزين نص المعامله بس مش كلها
قناعه بقى
تسلم يا كاشو على التوبيك الجميل ده

زائر

والله انا شايف احنا احسن من الغرب بكتير
بلا مهند بلا بتاع
مفيش حد زينا
احنا بنخاف عليكم
انما هو لو مراته حد باسها قدامه عادى وفرش والاريال بقا طويل انما احنا دمنا حامى اوووى

مهند ايه
يع يع يع
بلا قرف
قال مهند قال
يا جماعه والله مش فيه احسن من المعامله الجميله بتاعت الراجل المصري
انا عن نفسي شايفه ان مهما كانت المعامله قاسيه شويه
فهي بردو اجمل بكتيييييير اوي
انا عن نفسي مبسوطه بيها

هو فعلا الحب ده مش حقيقى
بس ليه الشاب المصرى مش يحاول
يحسسنا بنص الحب ده او ربعه على الاقل
ولو عايزينا نبقى نور لازم تبقو مهند
ومهند عسول وقمر واكيد فى مصريين كتير زى مهند
ويسلموووووووو على التوبيك ده يااحمد

» حقائق عن الفتاة والشاب عندما تقعان في الحب
» افتكاسات الشعب المصرى
» الاتحاد المصرى يوقف النشاط الكروى في البلاد