شغل دماغك 1

شغلوا دماغكوا شوية
وحلوا الفزورة دى

لو انت مسافر لمكان معين وفي نص الطريق لقيت طريقين واحد منهم هيوصلك والتاني لو مشيت فيه هتموت وفي 2 رجالة كل واحد على طريق معروف ان في واحد منهم كداب دايما وواحد صادق دايما بس طبعا انت يا غلبان مش عارف مين فيهم الكداب ومين الصادق
قدامك سوال واحد بس تقدر تساله لاي واحد من الاتنين دول سؤال واحد بس
ايه السوال الـ من خلاله تقدر تعرف اي طريق صحيح ؟

ممكن يقوله يمشى معاه فى الطريق ولو هو الطريق اللى السليم هيمشى معاه ولو الطريق اللى هيموته هيقوله لا وبكده هيكون ده الصادق

نوووووووووووووو
لانه ممكن يطلع الكذاب ويمشى معاه عادى

سهلها شوية انا تعبت من التفكير

لا حلوه يا كاشووو
جامده

يعنى ايه مفيش حد عارف الحل ولا ايه

بص ياسيدى انت هتروح على اى واحد منهم وتقوله روح كده اسأل الراجل اللى هناك ده الطريق الصح فين لما يجيبلك الاجابه امشى فى الطريق التانى

غلط جدا جدا جدا جدا
وانا عارفه الاجابه

اعتقد ان اجابتى صح دا انا عار الفزورة دى وانا فى رابعة ابتدائى

اكتب الحل بقا يا كاشوووووووو
يلا مش عارفين

اجابة الاسطورة صحيحة
تمام يا معلم
والاجابة بالتفصيل هى

انك هتروح تقول لاى واحد منهم انه يروح يسئل التانى عن الطريق الصحيح وتاخد عكس الاجابه اللى هيجبهالك وهيبقى فيه احتمالين
لو طلع اللى سئلته هو الراجل الصادق هيروح يسئل الكذاب طبعا الكذاب هيقوله الطريق الغلط والصادق هيجى يوصلك الكلام مظبوط لانه صادق وانت هتاخد عكس الطريق
لو طلع اللى سئلته هو الراجل الكذاب هيروح يسئل الصادق طبعا الصادق هيقوله الطريق الصحيح والكذاب هيجى يوصلك الكلام غلط لانه كذاب وانت هتاخد عكس الطريق

كده بقى فين هديتى

انجل قالت هى اللى هتجيب الهدية

طب فين هديت يا انجل هتهربىى ولا ايه

» يخرب بيت دماغك