ماهي تلك الظاهرة اللي تتمنى زوالها من مجتمعك؟

بصراحه اتمنى زوال ظاهرة الوسطه
شيء مزعج لكل الناس
وفيه تعدى على حقوق الجميع
وبعض الناس بياخدوا حق غير حقهم
وده قمة الظلم

كلنا نفسنا ان الواسطة والمحسوبية تنتهى وتموت بغير رجعة بس كل واحد لازم يبتدى بنفسه

عارفه يا نايت انا فى مرة جبت واسطة عشان ادخل المدينة بس عارفة اخدت الورقة اللى كاتبلى فيها وقطعتها كانوا حارمينا من دخول المدينة بعد اسبوع عملنا اعتصام مفتوح الكلام ده من سنتين ودخلنا واخدنا حقنا

دى احسن حاجه فى الدنيا
اننا ناخد حقنا بكل عداله من غير واسطه
بجد لو ده حصل فى مجتمعنا هيكون مجتمع عادل مش فى اى ظلم

اكيد طبعا نايت وتذكرت مقولة

ماضاع حق وراءه مطالب

تانى ظاهره بتمنى زوالها
هى الهمجيه فى التعامل مع بعض
يعنى مثلا اى موظف حكومى بيتعامل مع الجمهور بشكل عشوائى
وكانه ربنا بيوزع افضاله على الناس
استغفر الله العظيم طبعا على التشبيه
بس ده اللى بيحصل
وهى دى الطريقه المستخدمه فى مجتمعنا

ظاهره فعلا سيئة وتنم عن عدم تلقى هذا الموظف اى جرعة تربية

ايضا اتمنى زوال الاكراميات والشاى والدخان

اكييييييييييييد
وبرضه من الظواهر اللى بتمنى زوالها
هى الرشوه او بالمسمى الاخر الاكراميه
بيضحكوا على نفسهم بالكلمه دى
اكراميه
الله سبحانه وتعالى لعن الراشى والمرتشى
صدق الله عز وجل فيما قاله
ربنا يعافنا واياكم من لعنة الله علينا

night angle كتب:

اكييييييييييييد
وبرضه من الظواهر اللى بتمنى زوالها
هى الرشوه او بالمسمى الاخر الاكراميه
بيضحكوا على نفسهم بالكلمه دى
اكراميه
الله سبحانه وتعالى لعن الراشى والمرتشى
صدق الله عز وجل فيما قاله
ربنا يعافنا واياكم من لعنة الله علينا

تمام ومن الممكن ان يسخط الله عليه فلا يبارك له فى رزقه فنراه ودخله الاف الجنيهات ولكن لاتكفيه بل ويشحذ الناس احيانا

بتضايق جدا لما بلاقى حد بيتدخل فى حاجة ما تخصهوش
وطبعا المصريين عندهم فضول غريب
عايزين يتدخلوا فى كل شيئ وكل واحد بيفتى فى كل حاجة

kashooo كتب:

بتضايق جدا لما بلاقى حد بيتدخل فى حاجة ما تخصهوش
وطبعا المصريين عندهم فضول غريب
عايزين يتدخلوا فى كل شيئ وكل واحد بيفتى فى كل حاجة

يابويا حركة خنيقة اوى تبقى بتشترى قميص ويقولك خد الاحمر الاحمر حلو ياعم انت مالك انا عاوز التركواز

انا ممكن اخد الاحمر فى حالة واحدة
لو هو اللى هيدفع حقه
مش هو اللى مختاره ؟؟؟

kashooo كتب:

انا ممكن اخد الاحمر فى حالة واحدة
لو هو اللى هيدفع حقه
مش هو اللى مختاره ؟؟؟

انا بموت فى احمر دم الغزال لو عندك حد نعمل عليه الشغل ده يلا بينا

اها انا بكره بقا ظاهرة النصب
هههههههههههههههههههههه
زى اللى انتوا هتعملوه بالظبط
هههههههههههههههههههههه

night angle كتب:

اها انا بكره بقا ظاهرة النصب
هههههههههههههههههههههه
زى اللى انتوا هتعملوه بالظبط
هههههههههههههههههههههه

بقى احنا نصابين ماشى ماشى على العموم انا بكره ظاهرة كل واحد مادد ايده فى الشارع يشحت وهو ماشاء الله اد البغل ممكن لو دخل فى حيطة يطلع من الناحية التانية

اه فعلا بجد شكلهم بيبقا غير حضارى خالص

هو غير حضارى بس دول متشردين رجل ذهب للرسول فقال اعطنى قاله اذهب فاحتطب

انا مش حاسه ان التوبيك حلو خالص
يعني انتوا لحد دلوقتي بتقولوا ظواهر موجوده ف كل المجتمعات
يا جماعه دي مش مختصه بمصر وبس
سواء الفضول الزياده يا عم ميدووو
او النصابين والمتسولين يا تنت انجل
بس ياريت بدل ماتقول الظاهره اللي تتمني زوالها
نقول الظاهره اللي نتمني انها تكون موجوده في مجتمعنا
لان في ظواهر كتير مش موجوده
ونتمني وجودها
لكن الظواهر اللي مش حلوه اللي مش عاجبانا دي موجوده في كل مجتمع مش عيب اننا عايزين ان احنا نغيرها
ومش بقول انها مش هاتتغير او تزول
بس يمكن لو دورنا الاول علي الاحسن
وعملناه دا هايساعدنا اننا نخلي الظواهر السيئه تزول
يعني نخلي عندنا امل اننا احسن شويه ونحاول نخلينا احسن اكتر

تقبلوا مروري السريع
واسفه لو قولت حاجه غلط في ردي

ابدا سى لا فى ده نقاش مفتوح مسموح بابداء الاراء فيه

بس مصر تتميز بظواهر اكثر انتشارا من اى دولة اخرى يعنى مثلا مش هتركبى المترو او القطار فى اى دولة وهتلاقى واحد مهبب نفسه وييجى يبوس فى ايدك ورجلك عشان تديله فلوس

وده مثال واحد فقط

وممكن برضه تقوليلنا ايه الظاهرة اللى نفسك تشوفيها فى مجتمعنا
عن نفسى نفسى الاقى الصغير بيساعد الكبير مش بيستهزأبيه

صحيح لازم نطور من مجتمعنا ونحاول نبحث عن الاحسن ونعمل بيه

اكيد اتمنى ان نترك السلبية الملازمة لنا فى كل شئ وان نعمل بجد واجتهاد

اتمنى زوال الحقد والكراهيه بين الناس
ويسود الحب والود بينهم