هو الحب فين؟؟ يا جماعه انا لسه شايفه هنا من سنتين......هههههههههه

[size=1ge]المرة دي بقى الموضوع سخن أوي .. بس مش عايزين مشاكل .. اللي يحبنا ما يضربش نار .. ههههههه
تعالوا نشوف الشباب الظراف اللطاف شوشو وتوتي في شوية المشاهد الكوميديكية دي ..

شوشو خطيب توتي .. لابس البادي الشديد ورايح يزورهم .. هو شهرته شوشو عضلات .. عشان عضلات صوابعه قوية جدا من كتر لعب البلاي ستيشن والأون لاين جيمز بتاعة ابن البلد .. شامبيون ما فيش كده .. من أول مايدخل البيت .. ونظراته الإعجاب تنهال عليه من حدب وصوب (يعني من كل حتة)
- الأب والأم في أصوات مختلطة .. أهلاااااان شوشو .. يا ختي كميلة .. والله دمه زي السكر .. ازيك يا شوشو .. من زمان ماشفناكش
- معلش والله يا أونكل .. (يبوس طنط بوسة كبيرة عشان عيب طبعا يبوس أونكل) .. من يوم ما نقلنا في الزمالك والمشوار بقى بعيد .. وانتي عارفة بقى النادي والمشاغل .. مابقاش فيه وقت خالص
- بس ايه الحلاوة دي ياشوشو .. أمور خالص والله
- ميرسي أوي يا تنت
تدخل توتي .. ومعاها الصينية وعليها البرتقان .. وعينيها ما بتنزلش من على عينيه .. شيك أوي التي شيرت ده يا شوشو .. مخليك جنان .. واد كول مش معقول (مع الاعتذار للزميل العزيز) ..
تقشر له البرتقانة وتأكله بإيديها .. خد دي من توتي
لا والله شبعان .. لسه واكل شيبسي ..
لا .. لا .. والله ما تكسف إيدي .. أمممممممممممه .. خد دي كمان
الله من إيدك زي العسل .. عسل يا توتي

الساعة الآن .. بعد سنتين

شوشو وتوتي كتبوا كتابهم .. شوية مشاكل طبعا على ترتيبات الفرح .. توتي داخلة ومعاها الصينية وعليها البرتقانة (منتهى الصمود .. صمود البرتقانة طبعا) .. بقاله سنتين بياكل فيها
توتي قشرت له البرتقانة .. وسابته وقامت مقموصة ..
توتي .. مالك
مانت كاسفني في وسط أهلى .. إيه يعني 100 ألف جنيه عشان نحجز في الشيراتون .. معقول مستخسرهم فيا كده
ياتوتي يا حبيبتي .. (بياكل البرتقانة) .. الموضوع مش كده .. انتي عارفة اني ما يفرقش معايا .. بس بابي مصمم نعمل الفرح في المدرعات .. أصل العيلة كلها اتجوزت فيها .. حتى هو عمل فرحه فيها أيام ما كانت عالطوب الاحمر .. دي حاجة عندنا زي ما تقولي كده .. وشها حلو علينا
معقول .. يعني أفهم من كده انك بتحبني
طبعا يا توتي وما قدرش اعيش من غيرك .. تعالي أقول لك كلمة سر ..
(بدلال) .. لاااااااااا .. بابا جاي .. اوعى كده

الساعة .. سنة أولى جواز ..

شوشوووووووو .. جبت لك البرتقانة
ايه يا توتي ما قشرتيهاش ليه
إيه يا شوشو .. مالسكينة في الطبق .. قشرها انت المرة دي بقى
يقشر شوشو .. وياكل

سنة تالتة جواااااااااااااز

يا تفيييييدااااااااااا .. انتي ياولية
فيه ايه .. عايز ايه يا شعباااااااااااان
فين يا ولية البرتقانة .. أنا خرمان أوي
سلامة الشوف يا شعبان .. انت اتعميت ياراجل .. مانت لسه شايفها في المطبخ وانت بتغسل المواعين
كده يا تفيدة .. مش هتقشريهالي
أقشرهالك .. لييييييه .. كنت الجارية اللي اشتراهالك ...............

كده نقدر نخش في الموضوع .. ياترى إيه حكاية الحب .. قبل الجواز .. وبعد الجواز
كتير من الأزواج .. والزوجات بالطبع بيشتكوا من فتور العاطفة .. وحالة الهيام والغرام والحب اللي كاااااان .. وان العيشة بينهم بعد الجواز بقت لا تطاق [/color][/size]

ههههههههههههههههههههههههههههههه

فى الاخر تفيدة وشعبان
هههههههههههههههههههههههههههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههه

هو طبيعى ان يبقى فيه فتور خاصة ان وشهم فى وش بعض ليل ونهار يعنى حاجة اتعودوا عليها الحل بقى انهم يبعدوا عن بعض وعن متاعب الحياة شوية

والحب فعلا موجود بس الراجل المصرى عموما مش بيحب يبين الحب ده وكمان صعوبة الحياة بتخلى العملية طين خالص ومحدش طايق نفسه

تسلم على مرورك
نورت التوبيك يا اسطوره

منور باهله يا نايت بس تفيدة وشعبان والبرتقال هههههههههههههههههه جامدة جامدة

البرتقانه مش البرتقاله
ههههههههههههههه
تفيدااااااااااااا
شعبااااااااااااان
دى اخرتها بعد شوشو وتوتو

ههههههههههههههههههههه
هههههههههههههههههههه
شعبااااان تفيدااااااااا
هههههههههههههههههه
تسلمى على التوبيك

حلو اوى من توتو وشوشو
ل تفيده وشعبان
تسلمى على التوبيك

ده بيحصل لاننا دايما قبل الزواج بنفكر فى الشخص بقلبنا بس
بنفكر فى الحب والاحساس لكن للأسف الحاجات دى احيانا بتتغير

كل حاجه بتتغير يعنى جات على الحب
وبعدين الانسان مش بيظهر اللى جواه
قبل الجواز لانه بيدارى عيوبه سواء
بنات او شباب

يسلملى مروركوا
نورتوا التوبيك