حقائق في المترو

يدخل الشاب المترو في أمان الله ويقعد بعد جهد وعناء
وهو شايف واحدة موظفة مع صاحبتها راجعين من الشغل
وصحتهم زى الفل.. وقاعدة تحكى لها ازاى تعمل محشى الكوسة
وقاعدة تقور في الهوا يمين وشمال عشان يبقى الشرح
عملى وصوتها عالى.. واول ما تدخل المترو تلاقى الشلل الرعاش
حلّ عليها.. وعينيها مش قادرة تفتح من الإره...اق وتيجى هيه
وصاحبتها قدامه بالظبط وتعلـّى صوتها

وتقول لصاحبتها:
معدتش باقدر أقف كتير يا سنية..

ترد عليها زميلتها واللبانة ف بقها:
ومين سمعك يا حبيبتشى..
الدكتشور قال لى انى لو وقفت على رجلى خمس دقايق هرجع ع اللى قدامى علطول

*********************************

ولا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو ..
بنت حلوة وشعرها سايح.. وتيجى تقف قدامك..
وفجأة تفضل تظبط شعرها وترميه ورا ضهرها زى إعلان صابون
كامى عطر فرنسى الإيحاء..ومتوقعة ان حضرتك هتقوم تبوس ايديها انها تقعد مكانك.

*********************************

الستات بيركبو عربيات الرجاله عادي انما لو راجل ركب عربيه السيدات يا ويله يا سواد ليله
اللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..
ويتعمله محضر ويتخرب بيت اهله ههههههههه
*********************************
واغرب حاجه لما شاب يقف عشان بنت ويفضل واقف جنبها واول
لما تيجي تنزل تقوم تشاور لاقرب بنت او ست عشان تقعد مكانها ...
حتى الكرسى بيتورث يا جماعه؟؟
طب حتي احترمي الفتي اللي قاملك ههههههههه

*********************************
ولا البنت تيجي تقعد جمبك ومش طايقة نفسها قال إيه المكان
ضيق ومش قادرة تقعد مرتاحة.طب ما دام انتى متضايقة كده
ماتقومى تقفى بلاش القعدة المقرفة دى
ولا مستنيه ان الشاب يقوم يوسع لحضرتك القاعده

*********************************

خد معاك وانت راكب المترو
..علبتين هيد أندشولدرز عشان أى بنت جاية تتدلع بشعرها
عشان تقعد تعرفها ان اللى معاه شامبو أكتر هوه اللى هيقعد

خد معاك مطوة عشان لو قلبك الطيب خلاك تقعَّد واحدة
وبعدين وهيه نازلة شاورت لواحدة تانية تقعد مكانها وطنشتك..
تغزها بالمطوة غزتين عشان تفوق

شفتى بقى جبت حاجة من عندى انتوا اللى بتقولوا علىى اللى بيحصل من البنات اهو فى حق الولاد الغلبانيين الشقيانيين الطيبين

...................................................................................................................

مرة قمت وقعدت بنت مكانى من المنيا لحد بنى سويف وانا اصلىى ركبتى ف الضياع واربطتها ملخلخة ودى ولا هيا هنا اصحابى كل واحد يقعدنى مكانه شوية وفى الاخر وهيا نازلة بتقولى مرسيه انا يتقالى مرسيه انا بصيتلها باستغراب وقلتلها لاشكر على واجب ومن ساعتها بنام ف الكرسى بتاعى

ههههههههههههه
بصراحه انا مش اعرف ايه الى بيحصل
لان مفيش عندنا مترو فى المحله

مش لازم مترو القطر فيه بلاوى

مش بركب قطرات انا بردة
انا اخرى بيت جدى الى قصدنا
انت ادرى

انا بقالى 5 سنين من المحلة لاسيوط لما بهدلت القطر ركوب دا انا حفظت الناس اللىى بيركبوا معايا

هههههههههههههه
ربنا يعينك

بصى بقى انا قطارات ومترو
اقولك اللى بيحصل فى المترو
طبعا نادر جدا لما ادخل المرو والاقى مكان لازم بقف زي معظم الناس
لان اساسا المفروض الكراسى اللى فى المترو معموله علشان كبار السن او حد تعبان كده
لكن الاساس فى المترو هو انك تقفى
لكن لو صادفت ولقت مكان وقعدت ولو بنت جات عاشة الدور كده عادى بعمل نفسى ميت

هههههههههههه علاء ولى الدين يعني
نورت يا كاشو

نا بقى كل يوم بركب المترو يمكن مرتين على الاقل
راحه وجايه من الكلية يعنى
انا بركب عامة فى عربية السيدات علشان كده مش بتعرض لمواقف الندالة بتاعت الرجالة دى
هههههههههه
بس للأسف دايما عربيات السيدات بتكون زحمة جدا

ههههههههههه
تسلمى ع المرور يا منار

انا بقا
وانا فى سنه اول كليه
يعنى الشهامه والطيبه بقا
اى ما اشوف اى بنت او راجل كبير كنت اقوم على طول واقعده مكانى
ما علينا من الراجل الكبير
انما البنات اعوز بالله ياخدو الكرسى
وان شاء الله تموت انت بقا
ومن يومها وحياتك حتى لو تعبت من الكرسى والقعده مش بقوم

ههههههههههههههههه
تسلم ع المرور يا لودا

ههههههههه يا اسطورة يا مسيطنا والله عندك حق ف الكلام دة دول عاوزين يترموا من المترو اصلا

ههههههههههههههههه
نورت يا هيما

هههههههههه
حلو اوى التوبيك يا سوسو
معلش دى معاناه
تسلمى

ههههههههههههههههههه
لا انا لما بركب الميني
ولقيته زحمه
بلاقي اللي يقوم ويخليني اقعد
دا في حالات اني مضطره بس
لكن لو هو زحمه اركب فيه ليه
عادي استني واحد فاضي او اروح اكمل قعده في البيت احسن
انا هاتعب نفسي ليه يعني
هههههههههههه
وبعدين والله الصبيان كلهم اندال
انا لما حد بيقوم عشان اقعد بتكون بنت او واحده كبيره في السن
قليل لما تلاقي اللي بيتكلموا دول ويقولوا بنقوم ونخلي البنات يقعدوا بيقوموا اصلا
دول والله كلهم بيقولوا كدا بس عشان رجاله بقي
وقال ايه بيقوموا
قال بيقوموا قال
اسكتوا اسكتوا بالله عليكوا
انا جالي من الكلام هايبر تنشن

هههههههههههههههههههه
يحيني يا بيرو
ههههههههههههه
والله صعبتى عليا
نورتونى يا بنانيتي

ههههههه
نايس توبيك تسلمى

نايس مرور يا جميل

» حقائق مرعبه جدا جدا جدا
» ملتحى يضرب فتاة “علقة ساخنة” في محطة المترو امام الناس والشرطة دون ان يتدخل أحد
» حقائق عن الفتاة والشاب عندما تقعان في الحب