نجوم اف اس f.s (انا والبطيخ وافاك)

الحب
ذلك الشعور السهلبيسي الذي يزغزغ عقول البشر


و يهشك قلوبهم



مستمعينا لسه بنتكلم عن الحب وحلقتنا النهارده عن

))_ الاستهبال في الحب _((

معاكم

تلامه فطير واخوه رزاله فطير ( اكبر تاجر شكاير الاسمنت الفاضيه)
في
نجوم اف اس
مزيكا على كيف كيف كيفك

في.. انا و البطيخ و افاك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي افاك ات فيل راديو بروداكشن دوووت كووووخ

برعاية ابليس كومباني و ان تاتش و كريمات زحلقها


دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب


ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 22 سنة فحاسه بيكم و حاسه بمشاكل الجيل كلها ...




اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
Laughing تقولك انت بتستهبل يا حبيبي اتلم

او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش خلقتك

و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل ماسك في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا


مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي


مستمعينا مستني تليفوناتكم علي 6066
او علي 8555022
او علي ايميل البرنامج
علي افاك ات فيل راديو بروداكشن دوووت كوووخ

برعاية ابليس كومباني و ان تاتش و كريمات زحلقها ياما زحلقها

نستقبل اول اتصال تليفوني و نقول الووووز


الووووز



الوووووز



الوووووز


انتى يا حاجه

يا ماما

واضح ان الخط قطع


- الوو ايواياسمسم

اهلا نتعرف بيكي
..


- عدالات من بنــــــــــــــــها

اهلا بيكي يا عدالات ياريت تعلي صوتك شويه

معلش اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

بص....
اولا انا بموت موت موت جدا في البرنامج بتاعك و والله مش بفوت ولا حلقة منه ابدا خالث

يا أوس اوس انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة

جميل



- اهـء اهـء اهـء



لا اهدي يا عدالات و قوليلي ايه اللي حصل

اخد كل حاجة كل حاجة


اححمم
حتى الموبايل
خد الموبايل يا عدلات



- بقولك كل حاجة
اهـء هـء هـء
طيب اهدي يا عدالات
بصي يا عدالات
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل


بشكرك يا عدالات علي اتصالك و بهديلك اغنية السوبر ستار



يا قاعدة علي الترعه و بتغسلي المواعين
جاتك ستين وكسه أخدتي أيه من الغسيل


نص ساعة اعلانات ..




انا و البطيخ و افاك برنامج للحب و عن الحب
مع
تلامه فطير واخوه رزاله فطير
((اكبر تاجر شكاير اسمنت فاضيه))
الحب

لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون قرود ..


مستمعينا لسه بنتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي افاك ات فيل راديو بروداكشن دوت كوخ برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال وبتاع االكباب اللي علي اول الشارع..



الوقت بيمر معاكم بسرعة
نستقبل اتصال تليفوني و نقول الوووز


الوووز


الوووز


الووووووز


يووووووه انتى يا بت

يا اموره

الظاهر الخط قطع


الوو ايوا

اهلا نتعرف بيكي

ياريت تعلي صوتك لان الصوت بعيد اوي


_معلش اصل انا بكلمك من الحمام


انا فتكات من المنصورة


اهلا بيكي يا فتكات



سمر بتكلم النهادرة عن الاستهبال في الحب
انت ايه رأيك في الاستهبال عامة و خصوصا في الحب

انت برنامجك جميل اوى وبسجله علطول
ربنا يخليكي يا فتكات ..


انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف


مين ياا فتكات ؟؟


_شلحف هو اسمه شادي بس انا بدلعه شلحف
قام ضارب الواد اللي عاكسني بالحديد شاقق له دماغه
هو دلوقتي في السجن
و انا بحبه اوي و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
انا مش عارفه اعمل ايه
أنا بحب شلحف أوي


بصي يا سيدة

سوري


بصي يا فتكات


بنقابل ناس في حياتنا بنحبهم و بيحبونا و ديما كتير بنكون شبهم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان الحديده مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..


شكرا يا ساره على اتصالك و بهديلك اغنية السوبر ستار


يا مسجون في لومان طره
نفسي اكل معاك كوز دره



مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي افاك ات فيل راديو بروداكشن دوت كوخ برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال وبتاع االكباب اللي علي اول الشارع اللي بياكلنا كل يوم..




نص ساعة اعلانات




مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج

علي افاك ات فيل راديو بروداكشن دوت كوخ برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال وبتاع الكباب اللي علي اول الشارع اللي بياكلنا كل يوم..
..


اس ام اس كتيرررر جدا النهاردة
ييجي 9 اس ام اس
ــــــــــــــــــــــــــــــــــــــــــــــــــ ـــــــــــــــــــ
انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد
ــــــــــــــــــــــــــــــــــــــــــــــــــ ــــــــــــــــــــــــــــــ

البرنامج جميل جدا وانتى كمان مواضيعك تحفة .. وعايزاكى تقولى لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
بحبك يا تامر
قصدي يا جابر
حبيبتك شاهيناز
ــــــــــــــــــــــــــــــــــــــــــــــــــ ـــــــــــــــــــــــــــــــــ
هاى
انا محمود من الاردن عاوزك تقولى لهبة اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
هااي
عاوز الايميل بتاعك بجد في مواضيع مهمه قوي عندي عاوز الحل ليها .. معلش
معلش يا اوس اوس الموضوع مهم والله وانت الامل الوحيد ليا .....
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ممكن حلقه عن الحب من طرف واحد اصل اخوك كهربائي سيارات ...
ــــــــــــــــــــــــــــــــــــــــــــــــــ ـــــــــــــــــــ
هاى
قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
خالص.. و هتنازل عن تمن الموبايل اللي ضربوا مني في الشهر اللي فات و باعه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
انا فى عندى مشكله انا بحب واحده ومش عارف اصارحها خايف يكون الحب من طرف واحد
بحبك يا سندس ااوووي و نفسي اخد الرصيد اللي في موبايلك كله ..
ــــــــــــــــــــــــــــــــــــــــــــــــــ ـــــــــــــــــــــــــــــــــــ

انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت عشان شعره الابيض الجميل و فجأة اكتشفت انه سمكري سيارات و ان البويه جت علي شعره
انا مش عارفه اعمل ايه انتى املي الوحيد
ــــــــــــــــــــــــــــــــــــــــــــــــــ ـــــــــــــــــــــــــــــــــ
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا
بحبك يا صميده موووت موت

ــــــــــــــــــــــــــــــــــــــــــــــــــ ــــــــــــــــــــــ
الوقت بيمر معاكم بسرعة وقت حلقتنا انتهى
كان معاكم اتلامه فطير واخوه رزاله فطير نجوم اف اس fs مزيكا علي كيف كيفك
في انا و البطيخ و افاك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي
برعاية

مصنع كوبايات ام سمير
و كراسة الاول
سلاح التلميذ
وسوق السباعى
وام اشرف
وبتاع الكباب اللي علي اول الشارع..

مصنع كريمات ام وائل
كوافير ام ابراهيم للسيدات و قسم خاص للمحجبات
مزرعة دواجن ابو احمد لتسمين العجول
نادى قحافه
اديداس و بوما
اميجو كوتشي بينور
امريكانا الجودة
لانشون حلواني الإخوان
منظمة التحرير الفلسطينية
مجلس الشعب
سمنة البقرتين
ونسمع اخر اغنيه
ل نجم الجير
تامر بعرور

انـــــــــا جيـــــــت ومعــايا حلـــــــــقه جديــده ياريــ تعجبكــــــوا بـس معلــش صوغننـــه اوووووي




مستمعينا لسه بنتكلم عن الحب وحلقتنا النهارده عن
الخيااااااانة
من دلوقتي ولمدة ساعتين مستنين تليفوناتكم على000000أو علي 010101010
أو علي ايميل البرنامج
علي قفاك @ نيل راديو بروداكشن دوووت كوووم

ونستقبل اول اتصال تليفونى معانا النهاردة فى برنامجنا ونقول
ألو (بصوتة الرومانسى)

سميحة شباشب :اثيك يا اثامة (بتتكلم بصوت واطى -واطى اوى

-ودافى كدة وتحس انك حتعيط جنبها )

المذيع: اهلا بيكى نحب نتعرف بيكى ؟

سمحية : انا ثميحة

المذيع: اهلا بصديقة البرنامج سمحية بنتكلم النهاردة عن الخيانة

وسلبياتها وايجابيتها وبابا غنوجها

سميحة : بص يا اثامة انا ححكيلك حكايتى

انا كنت بحب واحد اثمة ثااااامح من 2 اعدادى بعد ما اديتة كل

حاجة

المذيع : العب ..احمم اصدى اشطة .....احمم كملى يا سميحة

سميحة : بعد ما اديتة كل حاجة حتى نمرة الموبايل ........راح

الندل السافل الجبااااان التيييييييت ابن التيييييييت ينعل تلاتة

تيييييييييت

المذيع : ابووووووووس ايدك كفاية احنا برنامج محترم ومفوش

اى الفاظ خارجة

سميحة : حاضر يا اثامة اصل انا سخنت شوية

المذيع : ابوس ايدك متسخنيش تانى كملى يا سميحة

سميحة : راح الندل يشترى كيس كراانشى وبيبسى كانز

ومجابشى الشاليموة مع الكانز مع انة عاااارف انى مش بشرب

البيبسى الا بالشاليموة

المذيع : وانتى سكتى ؟؟؟؟؟؟

سميحة : لاطبعا يا ااثااااامة قولتلة كل الى مابينا انتهى

المذيع : يلا بنت التيييييييييييت من هنا ودة اية علاقتة بالخيانة

اقفلوا االخط

مستمعينا لسة مستين اتصالتكم فى برنامج انا والنجوم وافاك

وموضوع الحلقة عن الخيانة

ونسمع اغنية عمر دياب


يا قاعدة علي الترعه و بتغسلي المواعين

جاتك ستين وكسه دا شرفك بقا في الطين